Бускетс:

Каталониянинг “Барселона” клуби ярим ҳимоячиси Серхио Бускетс кеча бўлиб ўтган “Реал”га (1:3) қарши баҳсда учралган мағлубият борасида ўз фикрларини билдириб ўтди.

“Ўз майдонимизда 1:3 ҳисобида имкониятни бой берганимиз бизни жуда қийин вазиятга тушириб қўйди. Аммо, биз меҳмондаги ўйинда буни тўғрилашга ҳаракат қиламиз, гарчи бу деярли имконсиз бўлсада. Одатда бундай учрашувларда биринчи бўлиб гол киритган жамоа қўшимча кучга эга бўлади. “Реал” ўз имкониятларидан ажойиб фойдаланди.

“Барселона” таркибни кучайтириши лозим. Бунинг учун эса кимнидир сотиб олиши керак”, - дейди Бускетс Marca нашрига берган интервьюсида.

Эслатиб ўтамиз, “Реал” ҳамда “Барселона” жамоалари ўртасидаги жавоб баҳси 16 август куни Мадридда бўлиб ўтади.