Бутунжаҳон армия ўйинлари. Сабина Шарипова ва Ясмина Каримжонова жуфтлик баҳсларида бронза медални қўлга киритишди

Хитойнинг Ухань шаҳрида бўлиб ўтаётган Бутунжаҳон армия ўйинлари якунлаб қолай демоқда. Теннис бўйича аёллар ўртасида жуфтлик баҳсларини ўтказган Сабина Шарипова ва Ясмина Каримжонова 3-ўрин учун кортга чиқишди.

Польшалик Уилк Сюзанна ва Марта Леснияк жуфтлигига қарши кечган баҳсда ҳамюртларимиз 6:0, 6:2 ҳисобларида ғалабани қўлга киритиб, бронза медали соҳибасига айланишди.