"Бухоро" - "Андижон" учрашуви олдидан устунлик кимда?

23 июнь куни Суперлиганинг 13-тур доирасида “Андижон” жамоаси сафарда “Бухоро”га қарши майдонга тушади. Бу клублар ўтган йили про лигада тўқнаш келишганини билсангиз керак.

Мазкур клублар шу кунга қадар элитада ўзаро 48 маротаба майдонда куч синашишган бўлиб, шуларнинг 21 тасида “Бухоро”, 14 та ўйинда эса “Андижон” ғалаба қозонган. Яна 13 та беллашувда дуранг қайд этилган. Тўплар нисбати 80\64 бухороликлар фойдасига.

Жамоалар Суперлигада охирги бор 2020 йилги мавсумда тўқнаш келишган. Андижонда 2:1 ҳисобида ғалаба қозонган бўлса, Бухоро майдонида 2:2 натижаси қайд этилган.

Андижонликлар “Бухоро” майдонида сўнгги ва охирги бор 2008 йилги мавсумда уч очкони қўлга киритган. Ўшанда “Андижон” 1:2 ҳисобидаги ғалаба билан қайтган.

“Андижон” матбуот хизмати.