"Бухоро" "Андижон"га қарши учрашувга Тошкентда тайёргарлик кўрмоқда

16-турда “Локомотив”га 1:3 ҳисобида мағлубиятга учраган “Бухоро” жамоаси кейинги турни сафарда “Андижон”га қарши ўтказади.

Футболчилар бир кунлик ҳордиқдан сўнг, бўлажак учрашувга тайёргарлик кўришни бошлади. Эътиборлиси, “Бухоро” жамоаси машғулотларини Тошкентда олиб бормоқда. Пойтахтда 24 сентябргача тайёргарлик кўргач, шу куни Андижонга йўл олишади.

Эслатиб ўтамиз, турнир жадвалида “Андижон” 7 очко билан 14-ўринда бўлса, “Бухоро” 8 очко билан 13-поғонани эгаллаб турибди. Ушбу жамоалар ўртасидаги учрашув 25 сентябрь куни “Соғлом авлод” стадионида соат 17:00 да бошланади.