Бухоро шаҳри панкратион бўйича Ўзбекистон чемпионатига мезбонлик қилади!

Хабарингиз бор, Ўзбекистон панкратион ва грепплинг ассоциацияси фаол тарзда бир-биридан қизиқарли турнирлар ва юқори савияда ташкиллаштирилган мамлакат чемпионати ва кубокларини ўтказиб келмоқда. 
Навбатдаги панкратион бўйича Ўзбекистон чемпионатига Бухоро шаҳри мезбонлик қиладиган бўлди. Мазкур чемпионат ўсмирлар, ёшлар ва катталар ўртасида ташкил этилади. Яъни, 12-13, 14-15, 16-17, 18-20 ёш ва катталар ўртасида бўлиб ўтади. 
Шуни алоҳида таъкидлаб ўтиш керакки, 16-17, 18-20 ва катталар ўртасидаги баҳслар жорий йил октябрь ойида Тошкентда ташкил этилувчи жаҳон чемпионатига саралаш вазифасини ҳам ўтаб беради. Мамлакат чемпионатида ғолиб бўлган спортчилар жаҳон чемпионатида иштирок этиш имкониятини қўлга киритади.