Бухорода супер жанг кечаси ташкил этилади!

16 июль куни Бухоро шаҳри ажойиб ММА кечасига мезбонлик қилади. Яъни, Россиянинг Open FC ҳамда ATF Championship промоушени ҳамкорликда супер жанг кечасини ташкил этмоқда.

Марказий жанг “The Motivator” номи билан машҳур собиқ АСА промоушени чемпиони, россиялик фаҳрий жангчи Марат Балаев ва яна бир Россия вакили Магомед Расулов ўртасида бўлиб ўтади. Шунингдек ушбу жанг кечасида қирғизистонлик Эдил Есенгулов, ҳамюртларимиз Шариф Кушаев ва Абдуқодир Абдуворисовлар ҳам октагонга кўтарилиши кутилмоқда. Бир сўз билан айтганда, қизиқарли жангларни гувоҳига айланамиз.