“Челси” Фабрегасни ёзда “Гуанжоу Эвергранд”га сотади

Лондоннинг “Челси” клуби ярим ҳимоячиси Сеск Фабрегас фаолиятини Хитой чемпионатида, аниқроғи, “Гуанжоу Эвергранд” жамоасида давом эттириши мумкин.

Sportsmail нашрининг ёзишича, бу трансфер ёзда амалга оширилиши мумкин. Боиси, “аристократлар” қишда испаниялик футболчини сотишни режалаштиришмаяпти. Фабрегас учун асосий номзод сифатида Луис Фелипе Сколари бошқарувидаги “Гуанжоу Эвергранд” клуби кўрилмоқда.

Эслатиб ўтамиз, Сеск ва Сколари ўз вақтида “Челси”да бирга фаолият олиб боришган. Айтиш керакки, лондонликлар уни 48 миллион евродан камига сотмоқчи эмас.