Мадрид суперклубининг ҳақиқий сардори вафот этди

Кольяр 1960 йилдан 1969 йилгача “Атлетико”да сардор вазифасини бажарган. Бу клуб тарихидаги энг узоқ сардорлик даври ҳисобланади.

Мадриднинг “Атлетико” клуби ўзининг собиқ футболчиси ва сардори Энрике Кольярни сўнгги манзилга кузатди. Клуб тарихида энг узоқ муддат жамоа сардори бўлган бу футболчи 91 ёшида оламдан ўтди.

Энрике Мадрид клуби сафида 16 йил давомида 470 та ўйин ўтказиб, 105 та гол урган. Ҳозиргача у “Атлетико” учун энг кўп ўйин ўтказган беш футболчи рўйхатида туради.

Футболчилик фаолиятини 1970 йилда якунлаган Кольяр Испаниянинг “Кадис”, “Мурсия” ва “Валенсия” каби клубларида ҳам тўп сурган.

Испания миллий терма жамоаси билан 1964 йилда Европа чемпиони бўлган.