“Liverpul”ga transfer shartligi aytib, Husanovni eslatishdi...
“Ливерпуль” афсонаси Жейми Каррагер мерсисайдликларнинг чемпионлик мавсумидан кейин янги чемпионатнинг биринчи қисмида юз берган инқироз ҳақида тўхталиб, “Манчестер Сити”нинг йўлини тутишни маслаҳат берди.
Маълумки, Хосеп Гвардиола жамоаси кетма-кет тўрт йиллик чемпионликдан кейин ўтган йили куз ойларида ўйин тизгинини қўлдан чиқарди. Испаниялик мутахассис таркибни янгилашни инқироздан чиқишнинг энг тўғри йўли, деб топди ва ўз вақтида қилинган ўзгаришлар натижасида мавсум охирида ўйинини ўнглаб олди. Бироқ кузда бой берилган қимматли очколар охир-оқибат “шаҳарликлар”ни чемпионлик унвонини “Ливерпуль”га топширишга мажбур қилди.
Энди Арне Слот жамоасида тарих такрорланяпти. “Ливерпуль” Премьер-лигада катта қийинчиликлар билан очко жамғаряпти ва чемпион номини сақлаб қолишига деярли ҳеч ким ишонаётгани йўқ.
Жейми Каррагер “Ливерпуль” ёзда рекорд даражада маблағ сарфлаб, бир неча юлдуз ўйинчиларни таркибга қўшиб олганига қарамай, қишки трансферлар даврида ҳам мерсисайдликларни фаоллик кўрсатишга чақирмоқда.
- Пеп Гвардиола ўтган йили ўз клубида юз берган муаммоларга ўз вақтида эътибор қаратиб, қишки трансферлар ойнаси даврида жамоага Абдуқодир Ҳусанов, Витор Рейс, Умар Мармуш ва Нико Гонсалесни олиб келди ва бунинг учун жами 180 миллион фунт стерлингдан кўпроқ маблағ сарфлади.
Бугунги кунда “Сити” ўз натижаларини яхшилай олди, Европа Чемпионлар лигасидаги ўрнини сақлаб қолди ва яна барча совринлар учун кураш олиб бормоқда, - деди Жейми Каррагер.
Каррагер Tribalfootball нашрига билдирган фикрига кўра, айнан ўз вақтида амалга оширилган қишки трансферлар “Манчестер Сити”га ўйинни барқарорлаштириш ва ўтган мавсум фаворитлари қаторига қайтиш имконини берган.
Эслатиб ўтамиз, ўтган қишда “Манчестер Сити” Англия Премьер-лигасида тарихидаги энг йирик трансфер кампанияларидан бирини ўтказди. Манчестер супелклуюи Абдуқодир Ҳусановни 40 миллион евро, Умар Мармушни 75 миллион евро, Нико Гонсалесни 60 миллион евро, Витор Рейсни 37 миллион еврога трансфер қилди. Бу харидлар “шаҳарликлар” учун 210 миллион евродан қимматга тушди. Январда сарфланган умумий сумма Премьер-лигадаги қолган 19 клуб харажатларини бирга қўшиб ҳисоблаганда ҳам улардан кўп чиқди.
“Ливерпуль” ҳам чемпионлик мавсумидан кейин трансфер харажатлари бўйича янги рекорд ўрнатди. Арне Слот жамоаси ҳужум чизиғини кучайтириш мақсадида Флориан Вирцни 125 миллион евро, Александер Исакни 144 миллион еврога, Уго Экитикени 95 миллион еврога трансфер қилди.
Шунингдек, ҳимоя чизиғига Милош Керкез, Жованни Леони, Жереми Фримпонг сингари янги ўйинчилар олиб келинди. Бироқ, бу харидлар “Ливерпуль”ни инқироздан қутқара олгани йўқ.
Мерсисайд клуби раҳбарияти январда марказий ҳимоячи ва ҳужумкор футболчи олишни мақсад қилган. Улар орада бир Абдуқодир Ҳусановга ҳам қизиқиб кўришди. Бироқ вазиятдан келиб чиқиб, Арне Слот ҳимоя марказига Марк Гехини, қанот ҳужумчиси позициясига Антуан Семеньони олишни кўзлаяпти.
Футбол эксперти Жейми Каррагер эса, совринлар учун курашадиган даражага қайтиш учун “Ливерпуль” январь ойида жамоага янги ижрочиларни жалб қилиши инқироздан чиқишнинг синалган йўли эканини “Манчестер Сити” мисолида тушунтириб берди.
“Сити” Ҳусановга қизиққан “Реал”га 30 миллион евролик ҳамкорлик таклиф қилди
Ҳусанов билан бирга ва унга қарши ўйнаган футболчиларни аниқлашди
Сиз футболни ўлдиряпсиз! Ўзбекистонга қаранг...
Гвардиола Ҳусановни танқид қилган мураббийни “разбор”га чақирди
Fikrlar