"Челси" 19 ёшли дарвозабон билан 8 йиллик шартнома имзолади

Англиянинг "Челси" клуби Бельгия Про-Лигаси вакили ҳисобланган "Генк" клуби дарвозабони билан узоқ муддатли битим тузди.

19 ёшли Майк Пендерс эндиликда АПЛда ҳаракат қила бошлайди. Шартноманинг ўзи 2032 йилга қадар тузилди. Келишув шартига мувофиқ, дарвозабон жорий мавсум "Генк" сафида ижара асосида қолади. 2025 йилнинг ёзида "Челси"га қайтади.

Аввалроқ, трансфер суммаси тахминан 20 миллион еврони ташкил қилиши хабар қилинганди.