"Chelsi" appellyatsiyasi 20 noyabrda ko‘rib chiqiladi

"Chelsi" yosh futbolchilar bilan shartnoma imzolashda qilgan qoidabuzarligi sabab, FIFA tomonidan bir yillik taqiqlov bilan jazolangan edi.

"Aristokratlar" esa ushbu cheklov bo‘yicha Sport arbitraj sudiga appelyatsiya taqdim etgan edi. Sky Sports nashriga ko‘ra, raddiya 20 noyabr kuni ko‘rib chiqiladi.

FIFAning qarori yozdan kuchga kirganligi hisobga olinsa, londonliklar jazoning yarmini o‘tab bo‘lishdi, agar sud "Chelsi" foydasiga qaror chiqarmasa, "aristokratlar" qishda yangi futbolchilarni ro‘yxatdan o‘tkaza olishmaydi.