“Челси” бош мураббийликка “Реал” кўзлаган супермутахассисни олиб келади

Англиянинг мутахассис Грэм Поттерни истеъфога чиқарган “Челси” унинг ўрнига машҳур мураббийни олиб келмоқчи.

The Independent нашрининг маълум қилишича, “аристократлар”ни бошқаришга Маурисио Почеттино таклиф этилади.

Аргентиналик мураббий “Тоттенхэм” ва ПСЖдаги фаолиятидан кейин айни пайтда ишсиз юрибди.

Маурисио Почеттино хизматларига “Реал” ҳам кўз тиккан. Лондонликлар мураббийни олиш учун мадридликлар билан рақобатлашишига тўғри келади. Ўз навбатида, “Тоттенхэм”нинг аксарият футболчилари жамоага Почеттинони қайтаришни сўраётганини ҳам инобатга олиш лозим.