“Челси” энг қиммат дарвозабондан воз кечишга қарор қилди

“Челси” раҳбарияти ўз вақтида рекорд сумма – 80 миллион еврога олинган испаниялик дарвозабон Кепа Аррисабалагани қўйиб юборишга рози бўлди.

“Лацио” бош мураббийи Маурицио Сарри анчадан бери Кепани олишга ҳаракат қилмоқда. Аррисабалага “Челси”га олиб келинганидан кейин ўз истеъдодини тўлиқ намоён эта олмади. Кўплаб хатолар туфайли асосий таркибдаги жойини йўқотди.

“Аристократлар” биринчи рақамли дарвозабон бўлиш учун Франциядан Эдуар Мендини олиб келди. Катта маош оладиган Кепа захирада вақт ўтказаётган клубга зарар келтирмоқда. Шу боис, улар Аррисабалагани қўйиб боради.

Сарри Кепани январда олмоқчи. Бироқ, Эдуар Менди қишда бўладиган Африка миллатлари кубоги мусобақасига жўнаб кетади. Ўша пайтда “Челси” дарвозасини Кепа қўриқлаши керак. Шунинг учун ҳам Томас Тухель уни қишда эмас, балки мавсум якунланганидан кейин сотиб юборилишига рухсат беради.

 

Фикрлар

Фикр қолдириш учун авторизациядан ўтинг!