"Челси" форвардига Милан клуби қизиқмоқда

"Челси" ҳужумчиси Оливье Жиру "Интер" клубининг қизиқишлари доирасига кирмоқда.

Миланликлар 33 ёшли футболчини январь ойида харид қилишни кўзлашганди. Энди эса, уни ёзда эркин агентга айланганидан сўнг, қўлга киритмоқчи.

Жирунинг ўзи фаолиятини "Интер"да давом эттиришга қарши эмас, агарда унга 3 йиллик шартнома таклиф қилинса, албатта! Ҳозирги пайтда, форварднинг маоши йилига 8 млн еврони ташкил этади.

Ўз навбатида Милан клуби Жиру билан 2+1 кўринишидаги битим таклиф қилмоқчи ва унга йилига 6,5 млн евродан камроқ маош беришга тайёр. Жамоа сафида фақатгина Ромелу Лукаку ва Кристиан Эриксен бунча маош ишлаб топади.