"Челси" француз клубидан 2 та футболчини кўз остига олиб қўйди

“Лилль” клубининг 2 нафар футболчиси мавсумлар оралиғида Лондонга йўл олиши мумкин.

Le10sport нашри тарқатган хабарга кўра, француз клубининг марказий ҳимоячиси Габриэль ва ҳужумчиси Виктор Осимхен “аристократлар”ни қизиқтириб қўйган.

Габриэль жорий мавсум 34 та ўйинда майдонга тушди ва 1 та гол урди. Унинг трансфери эса 17,5 миллион еврога баҳоланмоқда.

Осимхен эса 38 та ўйинда 18 та гол урди. Унинг нархи 27 млн еврога баҳоланмоқда.