“Челси” футболчиси Почеттинодан норози

“Челси” ҳужумкор футболчиси Нони Мадуэке ўзига етарли даражада ўйин амалиёти берилмаганидан норози эканини билдирди.

Бош мураббий Маурисио Почеттино 21 ёшли футболчининг хизматига эҳтиёж сезаётгани йўқ. Жамоага Коул Пальмер, Николас Жексон ва Кристофер Нкунку олиб келинганидан кейин Мадуэке асосий таркибдаги жойини йўқотди.

Нони жорий мавсумда Премьер-лигада жами олти маротаба майдонга тушиб, жами 120 дақиқа ўйнади холос.

Англиялик футболчи Нидерландиянинг ПСВ клуби тарбияланувчиси ҳисобланади. “Аристократлар” уни 2023 йилнинг бошида 35 миллион еврога трансфер қилган эди.