"Челси" футболчиси учун ПСЖ ва МЮ кураш бошлади

Ёзда “Челси” билан шартнома муддати тугайдиган ҳимоячи Антонио Рюдигер учун Европанинг икки топ-клуби қизиқиш билдирмоқда. Бу ҳақда инсайдер Кристиан Фальк ўзининг твиттердаги саҳифасида маълум қилди.

Манбага кўра, германиялик футболчи учун ПСЖ ва “Манчестер Юнайтед” кураш олиб боради. Париж клуби аллақачон 28 ёшли ҳимоячининг вакиллари билан музокараларга киришган.

Трансфермаркт портали экспертларининг фикрича, Антонионинг трансфер нархи 35 миллион еврони ташкил қилади.

Рюдигер жорий мавсумда премьер-лигада жами 15 та ўйин ўтказиб, 2 та гол урди ва 2 та сариқ карточка олди.