"Челси" футболчисининг "иштаҳаси карнай"

"Челси" ҳимоячиси Антонио Рюдигер клуб билан шартномасини янгилаш борасида музокараларни давом эттирмоқда. 

Дастлаб, лондонликлар 28 ёшли немис футболчи учун ҳафтасига 135 минг фунт стерлинг таклиф қилди, бу эса футболчини хафа қилган. Мазкур ҳолатда у "аристократлар" сафида энг кўп маош оладиган 10 нафар футболчидан кейинги поғонада бўлади. 

"Marca" нашрининг хабар беришича, Антонио Лондон клубидан янги шартномага кўра, 46 миллион фунт стерлингдан кўпроқ пул талаб қилмоқда. 

Эслатиб ўтамиз, германиялик футболчига "Ювентус", ПСЖ ва "Бавария" каби жамоалар қизиқиш билдирмоқда.