"Челси" футболчисининг жамоадан кетиши тобора ойдинлашмоқда

Кристофер Нкункунинг "Челси"дан кетиши ҳақидаги миш-мишлар тобора кучайиб бормоқда. Франциялик ҳужумчи жамоанинг асосий таркибида доимий ўрин олмаётганидан норози ва ёзда клубни тарк этиш вариантини жиддий кўриб чиқмоқда.

"L'Équipe" нашрига кўра, жамоа бош мураббийи Энцо Мареска билан муносабатлар ҳам идеал эмас. Манбанинг маълумотларига кўра, Мареска Нкункуни бир неча бор машғулотлар вақтида таянч ярим ҳимоячи позициясида ўйнашга мажбур қилган — бу орқали у футболчининг маънавий чидамини синаган бўлиши мумкин.

Нкункуга Европа гранди клублари — "Бавария", "Манчестер Юнайтед" ва "Интер" томонидан қизиқиш борлиги айтилмоқда. Унинг "аристократлар" сафидаги келажаги эса ҳозирча ноаниқлигича қолмоқда.

Бундан ташқари, ўтган мавсумнинг қишки трансферлар ойнасида франциялик вингернинг жамоадан кетиши ҳақида хабарлар кўпайган эди. Бироқ, ўша пайтларда жамоа бош мураббийи футболчи ҳеч қаерга кетмаслигини таъкидлаган.