“Челси” нега Роналдудан юз ўгиргани ошкор бўлди

“Челси” раҳбарияти “Манчестер Юнайтед” ҳужумчиси Криштиану Роналдуни олишга жиддий қизиқиш билдирган эди. Кейинчалик “аристократлар” бу вариантдан юз ўгирди.

Daily Mail нашрининг маълум қилишича, лондонликларнинг фикридан қайтишига ўтган мавсумда “Юнайтед”ни бошқарган германиялик мутахассис Ральф Рангник таъсир ўтказган.

Гарчи “Челси”нинг янги хўжайини Тодд Бёли клуб мутасаддиларидан 37 ёшли ҳужумчини олиб келишни талаб қилган бўлса-да, Рангник билан маслаҳатлашган бош мураббийи Томас Тухель бу трансферга қарши чиққан.

Рангник манчестерликларни бошқарган паллада Роналдунинг ҳаракатларини танқид қилган ҳолатлар ҳам учраган эди.