“Челси” “Ньюкасл” сардорига қизиқмоқда

Лондоннинг “Челси” клуби “Ньюкасл Юнайтед” ҳимоячиси Жамол Лассельсга қизиқиш билдирмоқда. Бу ҳақда London Evening Standart хабар бермоқда.

“Аристократлар” тобора ёши ўтиб бораётган Давид Луис ҳамда Гарри Кэйхилларнинг ўрнига айнан Ласселни олиб келишмоқчи.

Бироқ Лассельс бундан бир муддат илгари “қарғалар” билан амалдаги шартномасини 2023 йилга қадар узайтирганлигини таъкидлаш жоиз.

Маълумот учун, Лассельс бу мавсум барча мусобақаларда “Ньюкасл” сафида 24 беллашувда майдонга тушди ва 3 та гол киритишга эришди.