"Chelsi" qishda tarkibini "Milan" etakchisi bilan kuchaytirmoqchi

"Milan" klubi himoyachisi Teo Ernandes faoliyatini Angliya premer-ligasi grandi safida davom ettirishi mumkin.

El Nacional nashri tarqatgan xabarga qaraganda, 24 yoshli frantsiyalik futbolchiga "Chelsi"dan jiddiy qiziqishlar paydo bo‘la boshlagan. Gap shundaki, "aristokratlar" jarohat olgan Ben Chiluell o‘rniga qishda mahoratli himoyachi olib kelishni reja qilishmoqda.

Bundan avvalroq "Milan" rahbariyati Ernandes bilan yangi shartnoma imzolash bo‘yicha muzokaralar olib borayotgani haqida xabarlar tarqalgan edi. Teoning “rossonerilar” bilan amaldagi shartnomasi 2024 yilning yoziga qadar imzolangan.

Teo Ernandes joriy mavsum “Milan” safida jami 19 ta o‘yinda maydonga tushdi va o‘z hisobiga 1 ta gol hamda 5 ta golli uzatma yozdirib qo‘ydi. Uning transfer narxi 50 mln evroga baholanmoqda.