"Челси" сардорида вирус аниқланган. Сешанба куни "аристократлар" "Реал" билан ўйин ўтказади

"Челси" футболчиси Сесар Аспиликуэта "Саутгемптон"га қарши ўйинни коронавирусга чалингани сабаб ўтказиб юборган. Бу ҳақда клуб бош мураббийи Томас Тухель хабар берди.

"Кеча Аспининг ковид учун топширган тести ижобий чиққан. Унинг қачон қайтиши ҳақида аниқ маълумотга эга эмасман.

Биз учун унинг тузалиши муҳим. Мен унинг тезроқ сафга қайтишига умид қиламан. Шундан бошқа чорам йўқ", - деди германиялик мутахассис.

Эслатиб ўтамиз, 12-дан 13 апрелга ўтар кечаси 00:00да "Челси" чемпионлар лигаси чорак финал доирасида "Реал" Мадридга қарши ўйин ўтказади. Илк учрашувда лондонликлар 1:3 ҳисобида мағлубиятга учраганди.