"Челси" ярим ҳимоячиси мавсум сўнгида жамоадан кетади

"Челси" ярим ҳимоячиси Жоржиньо катта эҳтимол билан мавсум сўнгида эркин агент сифатида жамоани тарк этади. "Daily Telegraph" нашрининг хабар беришича, италиялик ярим ҳимоячи клуб билан 6 ойдан кейин якунланадиган шартномасини узайтириш борасида музокаралар олиб бормаяпти.

Аввалроқ, 31 ёшли футболчининг "Наполи"га қайтиши мумкинлиги ҳақида хабарлар тарқалган эди. Ярим ҳимоячига "Барселона" ва "Ювентус" каби клублар ҳам қизиқиш билдирган.

Эслатиб ўтамиз, италиялик футболчи жорий мавсумда АПЛнинг 15 та учрашувида майдонга тушиб, 2 та гол урди ва 3 та сариқ карточка олишга ҳам улгурди.