“Челси” юлдузи “Манчестер Юнайтед”га бош мураббий тайинланишини кутмоқда

“Челси” билан шартномаси якунланиб бораётган Антонио Рюдигер танлов қилишга шошилмайдиган бўлди. Германиялик ҳимоячи ўзига харидор бўлаётган “Манчестер Юнайтед”ни қайси мураббий қабул қилиб олишини кутмоқда.

Аслида Рюдигер ҳозирги клуби билан янги шартноманинг асосий шартларини келишиб бўлганди. Бироқ, ҳукумат томонидан “Челси”га қўлланилаётган санкциялар вазиятни ўзгартириб юборди.

“Манчестер Юнайтед” яна совринлар учун курашиши учун таркибни сезиларли даражада ўзгартириши кутилмоқда. Албатта,  бу ишни янги тайинланадиган бош мураббий амалга оширади. Шунинг учун ҳам Рюдигер манчестерликларга мураббий тайинланса, у билан режаларни муҳокама қилиб олмоқчи.

Антонио жорий мавсумда 43 та учрашувда ўз ҳисобига тўртта гол ва яна шунча ассист ёздириб қўйди.