“Челси” юлдузига Англиядаги ҳаёт ёқмаяпти. У “Реал”га ўтмоқчи

"Челси" ярим ҳимоячиси Энцо Фернандес "Реал"да ўйнашни орзу қилмоқда.

Журналист Эдуардо Инда Энцо Фернандес "Реал"га ўтишни истаётганини айтди. "Жамоага жуда мос келадиган ажойиб футболчи таклиф қилинди. У Қатардаги жаҳон чемпионатида энг яхши ёш футболчи бўлди. Гап Энцо Фернандес ҳақида кетяпти.

У ҳозир “Челси”да ва Лондондан чарчаган. Аргентиналикка ёмғирли Лондон унчалик ёқмаяпти. Унинг орзуси - "Реал"да ўйнаш", - деди журналист El Chiringuito TV  эфирида.

Marca хабар беришича, Фернандес "Атлетико"га кетган ва Испанияда ўзини Англиядан кўра яхшироқ ҳис қилаётган Хулиан Алваресдан ўрнак олган. Шу билан бирга, қайд этилишича, "Реал" Энцони "Челси"дан сотиб олишга қарор қилса, клуб учун рекорд даражадаги маблағни тикишига тўғри келади.