Чемпион жамоа Сульшердан футболчи сўради

Италиянинг амалдаги чемпиони “Интер” ҳимояни мустаҳкамлаш мақсадида “Манчестер Юнайтед”  асосий таркибига кира олмаётган бразилиялик Алекс Теллесни ижарага олмоқчи.

Маълумотларга қараганда, миланликлар манчестерликлар билан алоқага чиқиб, футболчи ижараси бўйича музокараларни бошлаб юборган. Улар ҳимоячини бир йил муддатга ижарага олмоқчи.

Теллес 2015-2016 йилги мавсумда “Интер”да тўп тепган ва шу боис, яна Италия чемпионатига қайтишга рози.

Якунланган мавсумда ички рақобатда Люк Шоуга ютқазиб қўйган Теллес премьер-лигада атиги тўққиз марта майдонга тушди ва иккита голли пас оширди холос.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию