Чемпионлар лигаси бўйича муҳим маълумот

Чемпионлар лигасининг бу мавсумида энг кучли тўртта жамоа қолди. Чорак финал босқичидан муваффақиятли ўтган “Манчестер Сити” финал йўлланмаси учун “Реал” билан беллашади.

Шов-шувли тарзда “Бавария”ни мусобақадан чиқариб юборган “Вильярреал” ҳал қилувчи баҳс йўлланмаси учун “Ливерпуль” қаршилигини синдириши керак бўлади.

УЕФА ярим финал муддатлариниэълон қилди. Унга кўра, Хосеп Гвардиола шогирдлари 26 апрелга белгиланган биринчи учрашувда мадридликларни қабул қилади. “Сантьяго Бернабеу”даги жавоб баҳси 4 майга қўйилди.

Иккинчи ярим финалнинг биринчи учрашуви ҳам Англияда бўлади. 27 апрель кун “Ливерпуль” ўз мухлислари кўз ўнгида “Вильярреал” билан беллашади. Испаниядаги жавоб ўйини 3 майга қўйилган.

Чемпионлар лигасининг финали 28 май куни Франциядаги “Стад де Франс” аренасида ташкил этилади.