Чемпионликдан сўнг Алишер Одилов нималар деди?

Суперлигaнинг 29-турида “Нефтчи” ўз майдонида “Қизилқум”ни 2:0 ҳисобида мағлуб этиб, муддатидан аввал чемпионликни қўлга киритди. Мазкур баҳсда дубль муаллифи бўлган Алишер Одилов учрашувдан сўнг ўз фикрларини билдириб ўтди.

“Ассалому алайкум ҳаммага. Бугунги ғалаба билан бутун Фарғонани табриклайман. Ўйиндан олдин жамоа ичидаги муҳит аъло даражада эди. Бу баҳсда хато қилишга ҳаққимиз йўқ эди. Худога шукр, ғалаба қозониб, 24 йилдан сўнг чемпион бўлдик.

Босим жуда юқори эди — бутун водий бизни қўллаб-қувватлади. Жамоа билан майдонга ўйиннинг бошидан охиригача курашамиз деган ният билан чиққанмиз. “Қизилқум” кучли прессинг қилгани учун ўйин оғир бўлишини билардик.

Биринчи даврада “Нефтчи”нинг бироз омади келмади, аммо иккинчи  даврада  Фарғона ҳокими бизга жуда катта эътибор қаратди. Натижада чемпионликни қўлга киритдик", — деди футболчи.