Chempionlikni qo‘ldan chiqargan "Borussiya"dan 5 nafar futbolchi ketadi

Dortmundning “Borussiya” klubi rasmiy sayti joriy mavsum yakunida shartnomasi tugaydigan besh nafar futbolchining jamoani tark etgani haqida xabar berdi.

Bundesliga vitse-chempioni himoyachilar Feliks Passlak va Rafael Gerreyro, yarim himoyachi Mahmud Daud, shuningdek, hujumchi Entoni Modest va darvozabon Luka Unbexaun bilan xayrlashdi. Xayrlashuv chog‘ida jamoa sardori Marko Roys sheriklariga sovg‘alar topshirdi.

Eslatib o‘tamiz, "arilar" so‘nggi turda Bundesligada chempionlikni boy bergandi. Dortmundliklar “Bavariya” bilan bir xil ochko jamg‘argan bo‘lsa-da, myunxenliklarga to‘plar farqi evaziga mag‘lub bo‘ldi.