Черан юбилей голини урди. Ундан энг кўп қайси жамоа жабр кўрган?

Сербиялик футболчининг Суперлигада урган голлари сони 100тага етди.

Юртимиздаги фаолиятини 2016 йил "Насаф"да бошлаган Черанга 100та тўп киритиш учун 141 ўйин керак бўлди. Голлардан 34тасини "Насаф"да киритган бўлса, қолгани "Пахтакор" таркибида урилган. Драган Ўзбекистонда ортда қолган 6 мавсумнинг 5тасида 10тадан кўп гол уришга эришган. Шунингдек, у кетма-кет уч бор Суперлига тўпурарига айланган ягона футболчи саналади.

Черан энг кўп голни "Бухоро" дарвозасига киритган - 12та. "Навбаҳор" дарвозасига 10, "Металлург" ва "Локомотив" жамоалари дарвозасига эса 9тадан тўп уришга эришган. Қуйида унинг қайси рақибларга қарши гол ургани келтирилган.

12 - "Бухоро"
10 - "Навбаҳор"
9 - "Металлург", "Локомотив"
8 - "Қизилқум"
6 - "Андижон"
5 - "Қўқон-1912", "Бунёдкор", "Машъал", "Сурхон"
4 - "Нефтчи", "Сўғдиёна"
3 - "Обод", "Пахтакор", "Насаф", АГМК
2 - "Шўртан", "Динамо", "Турон".