Чили Россия билан яна бир ўртоқлик ўйини ўтказиши мумкин!

Чили терма жамоаси ўз уйида Россияга қарши жавоб ўртоқлик ўйинини ўтказишга тайёр. Бу ҳақда жамоа матбуот хизмати маълум қилди.

"Биз Россияни Чилида қабул қилишдан жуда хурсанд бўлардик", - деди Чили вакиллари "Спорт-Экспресс" нашрига берган интервьюда. Россия ва Чили ўртасидаги ўртоқлик ўйини 15 ноябр, шанба куни Сочидаги "Фишт" стадионида бўлиб ўтди. Валерий Карпин шогирдлари ўз уйида 0:2 ҳисобида мағлубиятга учради.

Эслатиб ўтамиз, Россия терма жамоаси 2022 йил феврал ойидан бери ФИФА ва УЕФАнинг қўшма қарори билан халқаро мусобақалардан четлатилган эди.