Chimaev: "Men istalgan raqib bilan jang qilaman, biroq..."

O‘rta vazn toifasida mag‘lubiyatsiz seriya qayd etayotgan UFC jangchisi Hamzat Chimaev (13-0) 13 aprel kuni Las-Vegasda bo‘lib o‘tadigan promoushenning yubiley turnirida jang qilmasligini yana bir bor tasdiqladi.

Shu bilan birga, chechen promoushenning Saudiya Arabistonida 23 iyun kuni bo‘lib o‘tadigan turnirida ishtirok etishni xohlashini aytdi.

“Men istalgan raqib bilan jang qilaman. Bu xoh Leon Edvards, xoh Drikus Dyu Plessi, xoh boshqasi bo‘lsin. Lekin Ramazonda emas. "UFC 300" esa Ramazon vaqtiga to‘g‘ri kelmoqda. Balki Saudiya Arabistonidagi turnirda ishtirok etarman”, – dedi Chimaev MMA Uncensored nashriga bergan intervyusida.

Ma’lumot uchun, Chimaev so‘ngi jangida Kamaru Usmanni mag‘lub etgandi.