Чорак финал учун даҳшатли қарама-қаршилик. "Вулверхэмптон" "Олимпиакосни" енгди

УЕФА Европа Лигаси нимчорак финали доирасидаги "Вулверхэмптон" - "Олимпиакос" ўйини якунига етди. Унда Нуну Эшпириту Санту шогирдлари кичик ҳисобда ғалаба қозонди. Биринчи таймнинг 9-дақиқасида Рауль Хименес томонидан аниқ амалга оширилган пенальти ҳакамнинг сўнгги ҳуштаги янграгунча ягоналигича қолди.

Энди англияликлар чорак финалда "Севилья"га қарши баҳс олиб боради.

• 90+'
  

  Қизиқарли ўтган учрашув якунланди. Уни сиз билан Абдулвосид Валихонов кузатиб борди.

• 90+'
  

  "Олимпиакос" мураббийлар штабидан ёрдамчи мураббий ҳам огоҳлантирилди.

• 90+'
  

  Хименес майдон марказидаги қўполлиги учун огоҳлантирилди.

• 90+'

  Ўткир бурчакдан йўлланган хавфли зарба Патрисиу дарвозаси тўрига ташқи томондан тегди.

• 90'
  

  Жуда қизиқарли кечаётган ўйинга 6 дақиқа қўшиб берилди.

• 90'

  Рауль Хименес бурчак ёнида ўз техникасини намойиш этиб, рақиб ҳимоячиларининг асабларини синаб кўрди.

• 88'
  

  Рақиб посбони Аллен билан тўқнашиб кетган Боли майдонда ётибди. Шифокорлар аллақачон майдонда.

• 85'

  Жамоалар майдон марказини тезликда босиб ўтишмоқда. Ўйин қизиқарли суръатда давом этяпти.

• 82'
  

  Майдонга 26-рақамда Кафу туширилди. У Гильерме ўрнига ҳаракат қилади. 

• 81'
  

  Яқин масофадан берилган зарбани Руи Патрисиу қайтариб, жамоасини муқаррар голдан асраб қолди.

• 79'

  Рақиб посбони билан бирга бир қолган Жота қулай вазиятдан фойдалана олмади.

• 77'
  

  Эль-Араби рақиб ҳимоячиларидан илдамлаб кетди. Ён ҳакам байроқчасини кўтарди.

• 75'

  Қанотлардан тинмай узатмалар амалга ошираётган "Олимпиакос" футболчиларининг ҳаракатлари бесамар якунланяпти.

• 74'
  

  Хименеснинг юзига зарба бериб юборган Сиссе огоҳлантирилди.

• 71'
  

  Майдондан чиқишни пайсалга солган Поденс сариқ карточкага муносиб кўрилди.

• 71'
  

  Дендонкер ўйини ўхшамаётган Поденс ўрнини тўлдирди.

• 70'
  

  Хименеснинг заргарона пасини қабул қилган Поденс ўйиндан ташқари ҳолатда эканлиги ойдинлашди.

• 69'
  

  Кетма-кет ҳужумлар натижасида бурчак зарбаси ишлаб олинди.

• 66'

  Юнонларнинг ҳужумлари борган сари хавфли тус олмоқда. Улар гол зарурлигини ҳис қилиб туришибди.

• 65'
  

  Кока Камара ўрнига майдонга тушди.

• 63'

  Вилли Боли очиқ дарвоза қаршисида тўпга ета олмади.

• 61'
  

  Ҳимоячиларнинг қўпол хатосидан сўнг аниқ зарба берган Поденснинг хавфли зарбасини дарвозабон бартараф этди.

• 59'

  Хименеснинг тезлиги бироз панд берди. Акс ҳолда, у қулай имконият ҳосил қилиши мумкин эди.

• 57'
  

  Ўйини очилмаган Адама Траоре ўрнига Диогу Жота майдонга ташланди.

• 55'

  Қанотдан узатилган тўпга боши билан зарба берган Эль-Араби мўлжалда бироз янглишди.

• 54'

  Камаранинг узоқ масофадан йўллаган зарбаси ноаниқ кетди.

• 51'

  Доэртининг суст ҳаракатлари туфайли позицион ҳужум муваффақиятсиз якунланди.

• 48'

  "Бўрилар" иккинчи бўлимда ҳам устунликни қўлга киритишга уринишмоқда.

• 46'
  

  Меҳмонлар сафида ўзгариш: майдонда ҳаракат қилган Бухалакис ўрнига Фортунис туширилди.

• 46'

  Иккинчи тайм бошланди.

• 45+'
  

  Бош ҳакам Марциняк ўз ҳуштаги билан жамоаларни танаффусга таклиф қилди.

• 45+'
  

  Бироз аввал жароҳат олган Моутиньонинг ҳолати яхўи эмас. Шифокорлар унга тиббий ёрдам кўрсатишмоқда.

• 45+'
  

  Ба ва Моутиньонинг бошлари тўқнашиб кетди. "Олимпиакос" ҳимоячисига сариқ карточка кўрсатилди.

• 45'
  

  Биринчи бўлимга 4 дақиқа қўшиб берилди.

• 45'
  

  Невешга нисбатан қўпол ҳаракат қилган Цимикас огохлантирилди.

• 42'
  

  Меҳмонлар яна бир бор воқеалар ривожидан илгарилаб кетишди.

• 41'

  Хименеснинг антиқа усулда йўллаган зарбасига бироз аниқлик етишмади.

• 38'
  

  Моутиньо қўпол ҳаракати сабабли сариқ карточкага лойиқ топилди.

• 36'

  Жарима майдонига узатиб берилган ҳавфли узатмага юнонлар эта олишмади.

• 33'

  Меҳмонлар ҳужум уюштиришда давом этишмоқда. "Бўрилар" ҳимояда.

• 31'
  

  Бош ҳакам голни бекор қилди. Миллиметрлар бу вазият тақдирини ҳал қилди. Ўйиндан ташқари ҳолат қайд этилди.

• 28'
  

  ГОООООООООООООЛЛЛЛЛЛЛЛЛЛ!!! Эль-Арабининг ажойиб узатмасидан сўнг Камара ҳисобни тенглаштирди... Йўқ, офсайд бўлган экан. ВАР шундай қарор қабул қилди.

• 25'

  Невеш Хименесдан тўпни қабул қилиб, кучли зарба берди. Ҳимоячилар зарбани яхши блоклашди.

• 22'

  Мет Доэрти қўпол ҳаракат қилди. Ҳакам ҳозирча аяди.

• 19'

  Цимикаснинг хавфли зарбасини Патрисиу қайтарди.

• 17'
  

  Жароҳатланган Отто ўрнига Винагре майдонга тушди

• 15'
  

  Хонни Оттога тиббий ёрдам кўрсатилмоқда.

• 13'
  

  Моутиньо томонидан амалга оширилган бурчак тўпини ҳимоячилар қайтаришди.

• 8'
  

  ГООООООООООООЛЛЛЛЛЛ!!! Хименес осонлик билан пенальтини аниқ амалга оширди.

• 7'
  

  Поденсни дарвозабон очиқчасига итариб юборди. Пенальти.

• 6'

  Тўп назорати асосан юнонларда бўлиб турибди. Орқа чизиқда улар бир-бирларига тўпни етказиб беришмоқда.

• 1'

  Хименеснинг рақиб хатосидан унумли фойдаланиб кетиши мумкин эди. Зарба чиройли, аммо ноаниқ кетди.

• 1'
  

  Ўйин бошланди!

• 0'

  УЕФА миқёсидаги учрашувлар коронавирус қурбонлари хотирасига бир дақиқалик сукут билан бошланмоқда.

• 0'

  Жамоалар майдонга тушиб келишмоқда.