Coca-Cola яна бир йирик мусобақанинг титул ҳомийсига айланди

Италия кубоги янги титул ҳомийга эга бўлди. Ташкилот расмий сайти тарқатган хабарга кўра, бундан буён мусобақанинг бош ҳомийси “Coca-Cola” компанияси бўлади.

Томонлар ўзаро ҳамкорликни 17 июнь куни бўлиб ўтадиган Италия кубоги финал учрашувидан бошлашади. Янги мавсумдан эса Италия кубоги Coppa Italia Coca-Cola деб номланади.

Бундан аввалроқ Coca-Cola Италия Суперкубогига ҳомийлик қилган эди.