Даҳшат! "Тоттенхэм" сўнгги дақиқаларда урилган голлар эвазига ғалабани илиб кетди

АПЛ 17-туридан ўрин олган қолдирилган "Лестер" - "Тоттенхэм" учрашуви ниҳоясига етди. Мазкур баҳсда "шпорлар" 3:2 ҳисобида рақибдан устун келди. 

Дастлаб, Дака 24-дақиқада ҳисобни очди. 38-дақиқада Харри Кейн мувозанатни тиклади. 76-дақиқа ўтиб бораётган бир пайтда Мэддисон "тулкилар"ни яна олдинга олиб чиқди. Сўнгра ўйиннинг асосий вақтига қўшиб берилган дақиқаларда Бергвейн дубль қайд этиб, "шпорлар"га ғалаба тақдим этди. 

Шундай қилиб, Конте шогирдлари ҳисобидаги очколар сонини 36 тага етказган ҳолда, АПЛ турнир жадвалида 5-поғонага кўтарилиб олди. 25 очкоси бор "Лестер" 10-поғонани банд этган.