Дани Алвес айни вақтдаги энг яхши уч қанот ҳимоячи номини айтди

"Барселона" клуби футболчиси Дани Алвес ҳозирги вақтнинг энг яхши уч қанот ҳимоячиси ким эканини айтди. Айтишича, учала футболчи ҳам Алвесни қойил қолдирган. 

"Мен кўпроқ Трент Александр-Арнольднинг ўйинларидан лол қоламан. У жаҳон даражасидаги фантастик футболчи.

Шунингдек, Ашраф Ҳакими ва Рис Жэймснинг ҳаракатларини кузатиш ҳам менга завқ бағишлайди. Уларда тезлик ва техника яхши шаклланган. 

Юқорида санаб ўтган уч футболчи ҳам ўз услубига эга ажойиб футболчилар. Улар ўз ишини аъло даражада уддалайди", - деди бразилиялик футболчи.