Дани Алвес яна "Ювентус"га қайтиши мумкин

Бразилиялик ҳимоячи Дани Алвес яна "Ювентус"га қайтиши мумкин. Бу ҳақда Goal.com нашри хабар тарқатмоқда.

Юқоридаги манбаага кўра 36 ёшли футболчи ва “кекса синьора” бу масала юзасидан ўзаро музокаралар олиб боришмоқда.

Эслатиб ўтамиз, Алвеснинг ПСЖ билан амалдаги шартномаси якунланган ва шу боис у айни дамда эркин агент ҳисобланади.

Маълумот учун, Дани Алвес 2016-17 йилги мавсумда “Ювентус” шарафини ҳимоя қилган ва 33та ўйинда иштирок этиб, ўз ҳисобига 6та гол ҳамда 7та голли узатма ёздириб қўйишга эришган.