Дармиан қишда

"Парма" ҳимоячиси Маттео Дармиан фаолиятини "Интер"да давом эттириши мумкин. Бу ҳақда La Gazzetta dello Sport нашри хабар тарқатмоқда.

Юқоридаги манбаага кўра “нерадзуррилар” 29 ёшли италиялик футболчини яқинлашиб келаётган қишки трансферлар давридаёқ сотиб олишмоқчи.

Маълумот учун, Дармиан “Парма” сафига ёзда “Манчестер Юнайтед”дан кўчиб ўтган эди. У жорий мавсум А Серияда 6 та ўйинда майдонга тушди. Унинг клуб билан амалдаги шартномаси 2023 йилга қадар имзоланган.