Давид де Хеа қайси жамоани танлагани кўпчиликни шокка туширди

“Манчестер Юнайтед” дарвозасини узоқ йиллар қўриқлаб келган Давид де Хеа бир йил олдин шартномаси тугагани туфайли клубни тарк этганди.

Испаниялик посбон бир йил давомида ўзига жамоа топа олмади. Мана энди у гранд клуб билан шартнома тузиши кутилмоқда.

“Манчестер Сити” 33 ёшли голкиперни ёзда олиниши мумкин бўлган дарвозабонлар рўйхатига киритди. Де Хеанинг “Юнайтед”га ашаддий рақиб ҳисобланган “шаҳарликлар” сафига ўтиши мумкинлиги кўпчиликни шокка туширгани айтилмоқда.

TodoFichajes нашрининг маълум қилишича, “Манчестер Сити” Саудия Арабистонига кетишни режалаштираётган асосий дарвозабони Эдерсон ўрнига тажрибали посбон қидирмоқда.

“Шаҳарликлар” Давид де Хеадан ташқари “Милан” дарвозабони Майк Меньян ва ПСЖ вакили Жанлуижи Доннаруммани ҳам нишонга олган. Бироқ бу икки футболчини қўлга киритиш қийин ва серхаражат вариант ҳисобланади.