Де Бруйне ўз хизматларини Италиянинг бошқа клубига таклиф қилди

"Наполи" ярим ҳимоячиси Кевин де Бруйне ёзда жамоасини алмаштириши мумкинлиги ҳақида хабарлар пайдо бўлди.

Журналист Мирко Николино маълумотича, бельгиялик футболчи ўз хизматларини "Ювентус"га таклиф қилган. Бу биринчи уриниш эмас: Де Бруйне ҳали "Наполи" билан шартнома имзоламасидан олдин ҳам Турин клубига ўтишни истаган. Ҳозирча "Ювентус" раҳбарияти унинг эҳтимолий трансфери масаласига эҳтиёткорлик билан ёндашмоқда.

Эслатиб ўтамиз, Кевин де Бруйне 2025 йили "Манчестер Сити"ни тарк этиб, эркин агент сифатида "Наполи" сафига қўшилган эди. Унинг амалдаги шартномаси 2027 йил 30 июнига қадар мўлжалланган. 2025/26 мавсумида бельгиялик футболчи неаполликлар таркибида барча мусобақалар доирасида 21 ўйин ўтказиб, 5 та гол урди ва 4 та голли пас берди.