Де Брюйненинг аҳволи қанақа?

"Манчестер Сити" ярим ҳимоячиси Кевин де Брюйне "Челси"га қарши (0: 1) ЕЧЛ финалида олган жароҳати ҳақида гапирди.

“Салом йигитлар, шифохонадан ҳозиргина қайтиб келдик. Менга бурун суякларининг синиши ва чап кўз деворининг шикастланиши ташхиси қўйилди. Ҳозир ўзимни яхши ҳис қиляпман. Албатта, кечаги воқеадан ҳали ҳам ҳафсаласи пир бўлган. Аммо биз қайтамиз”, - дея хабар қолдирди де Брюйне ўз твиттер саҳифасида.

Кевин кечаги учрашувнинг 56-дақиқасида рақиб футболчиси Антонио Рюдигер билан тўқнашиб кетди ва натижада жароҳат олиб майдонни тарк этди.

Де Брюйне жорий мавсум “Манчестер Сити” сафида жами 37 та ўйинда майдонга тушди ва 9 та голга муаллифлик қилди.