Дембеле бир қарорга келди

“Барселона” ҳужумкор футболчиси Усмон Дембеле фаолиятини Каталония клубида давом эттиришга қарор қилди. Франциялик футболчи анчадан бери янги шартномани имзолашдан бош тортиб келаётган эди.

Айни пайтда томонлар ўртасидаги музокаралар боши берк кўчага кириб қолган. Футболчи қолиш истагини билдиргани вазиятни ижобий томонга ўзгартириши мумкин.

Маълумотларга қараганда, Дембеле ўз агентларига вазиятни тўлиқ ўрганиб чиқишни топширган ва вазият уни қониқтирса, шартномани имзолаши кутилмоқда.

Аввалроқ, клуб хўжайинлари уни захирага михлаш бўйича қарор қабул қилганди. Бироқ бош мураббий Хави бу ўйинчи жамоага кераклигини исботлаб берди ва Дембеле майдондаги ҳаракатлари билан ўзига билдирилган ишончни оқлай бошлади.

Усмон жорий мавсумда 17 та учрашувда қатнашиб, ўз ҳисобига бир жуфт гол ва бешта ассист расмийлаштирди.