Дембеле «Олтин тўп»ни бошқа ўйинчи билан бўлишишга тайёр

Ҳужумчи Усман Дембеле «Олтин тўп» мукофоти ҳақида фикр билдирди. Ушбу нуфузли совринни у иккинчи йил қаторидан қўлга киритиш имкониятига эга. Маълумки, Дембеле бу йил ҳам номзодлар рўйхатига киритилган.

Футболчига савол берилганда, у «Олтин тўп»ни шахсан ўзи эмас, балки Хвича Кварацхелияга топширишини айтди. Шу билан бирга, француз футболчиси ҳазил тариқасида мукофотни иккига бўлиб олишни таклиф қилди.

«“Олтин тўп” дейсизми? Биз уни шунчаки ярмига бўлиб оламиз», – дея Дембеленинг сўзларини Goal нашри BBC манбасига таяниб келтирган.

Эслатиб ўтамиз, 2026 йилда «Олтин тўп»ни топшириш маросими Лондонда бўлиб ўтади. Тантанали тадбир душанба куни, 26 октябр санасида ўтказилиши режалаштирилган.

Шунингдек, «Олтин тўп»ни энг кўп қўлга киритган футболчи сифатида Лионель Месси тарихга кирган. Аргентина терма жамоаси юлдузи бу мукофотни саккиз марта ютган.