Dembele sotilmaydi!

“Barselona” klubi rahbariyati yarim himoyachi Usmon Dembeleni sotmaydi. Bu haqda Mundo Deportivo nashri xabar tarqatmoqda.

Yuqoridagi manbaga ko‘ra, 22 yoshli frantsiyalik futbolchini shaxsan jamoa bosh murabbiyi Kike Seten tarkibda olib qolishni xohlagan. U yangi mavsumda Dembeledan maksimal darajada foydalanmoqchi. Usmon ayni damda fevral oyida o‘tkazgan jarrohlik amaliyotidan so‘ng davolanishni davom ettirmoqda. U so‘nggi bor 27 noyabr kuni maydonga tushgan edi.

Dembele joriy mavsum La Ligada bor yo‘g‘i 5 ta o‘yinda maydonga tushdi va 1 ta gol urdi.