Денис Истомин қозоғистонлик теннисчига қарши ўйинда аламли мағлубиятга учради

Қозоғистоннинг Нур-Султон шаҳри мезбонлигида ўтаётган "Челленжер" туркумига кирувчи "Президент кубоги"да чорак финал учрашувлари ниҳоясига етди.

Эътиборлиси, ҳамюртимиз Денис Истомин ҳам ярим финал чиптаси учун кортга чиқди. Мезбонлар вакили Бейбит Жукаевга қарши баҳс олиб борган Истомин 7:6(7:5), 6:7(10:12), 6:7(5:7) ҳисобида аламли мағлубиятга учради. Беллашув 2 соат 59 дақиқа давом этди.

Денис худди шу турнирнинг жуфтлик баҳсларида 1/8 финалгача етиб борганди.