Дибала нимага ишора қилди? (ФОТО)

Сўнгги ойларда матбуотда аргентиналик ҳужумчи Пауло Дибаланинг “Ювентус”даги келажаги ҳақида турли миш-мишлар пайдо бўлди. Унга кўра, футболчи билан янги шартнома борасида музокараларда ҳеч қандай ижобий силжишлар йўқ. Шу сабабли, “кекса синьора” ёзда Дибалани сотиб юбориши мумкинлиги айтилмоқда.

Айни пайтда Дибала Инстаграмдаги аватарини ўзгартирди. Футболчи "Ювентус"да сардорлик боғичи билан тушган фотосуратини қўйди. Эҳтимол, у шу тариқа форвард клуб раҳбариятига Туринда қолиш истаги борлигига ишора қилган бўлиши мумкин.

27 ёшли Дибала “Ювентус” сафига 2015 йил “Палермо”дан кўчиб ўтган эди. У ўтган давр мобайнида туринликлар сафида жами 172 та ўйинда майдонга тушди ва ўз ҳисобига 70 та гол ёздириб қўйди.

Дибала Аргентина терма жамоасида 29 та ўйинда иштирок этган. У ушбу баҳсларда рақиб дарвозасига бор йўғи 2 та гол уришга эришган.