Диего Коста учун мавсум якунига етди

"Атлетико" Мадрид клуби форварди Диего Коста Ла Лиганинг31-тури доирасида бўлиб ўтган "Барселона"га (2:0) қарши баҳсда қилга хатти-ҳаракатлари учун жиддий жазоланди.

Эслатиб ўтиш лозимки, шу куни учрашув ҳаками Хесус Хиль Мансано қоидани бузгани учун Костага қизил карточка кўрсатиб, майдондан четлатган эди. Бироқ, ушбу вазиятда ўзини тийиб тура олмаган Коста ҳакамнинг онаси шаънига ҳақоратли сўзлар айтган.

Cope нашри тарқатшан хабарга кўра асли бразилиялик бўлган футболчининг ушбу сўзлари ҳакамдаги микрофон орқали ёзиб олинган ва исботланган.

Берилган маълумотларга қараганда Ла Лига тартиб-интизом қўмитаси Костани 8та ўйинга четлатган. Мавсум якунланишига 7та тур қолганини инобатга олсак, Диего Коста учун мавсум муддатидан аввал якунланди.

Маълумот учун, Коста жорий мавсум “Атлетико” сафида жами 21та ўйинда майдонга тушди ва ўз ҳисобига 5та гол уришга эришди.