"Динамо" - АГМКнинг 22-тўқнашуви. Янги бош мураббий учун илк имтиҳон

Суперлиганинг 10-турида ўзаро тўқнаш келаётган “Динамо” — АГМК жамоалари ўртасидаги қарама-қаршилик тарихига назар соламиз.

АГМК мазкур жамоага қарши умумий ҳисобдаги 22-учрашувни ўтказишга тараддуд кўрмоқда.

Бунга қадар олмалиқликлар самарқандликлар билан жами 21 маротаба дуч келган ва ўзаро ўйинлардаги ҳисоб-китоб бўйича устунликка эга. Ўтказилган 21 беллашувнинг 10 тасида АГМКнинг қўли баланд келган. "Динамо" эса ушбу қарама-қаршиликда 7 бор зафар қучган. Қолган 4 баҳсда эса ғолиб номи аниқланмай, жамоалар дуранг қайд этишган. Тўплар нисбати ҳам АГМК жамоаси фойдасига: 30-21.

Бўлажак ўйинни бошқариш масъулияти Акобирхўжа Шукуруллаев топширилган. VARга масъул этиб Ильгиз Танташев тайинланган.

Ўйин 23 май куни соат 19:00 да Самарқанддаги “Динамо” стадионида бошланади, - дея хабар бермоқда АГМК матбуот хизмати.

Маълумки, ушбу учрашув Андрей Шипилов учун "Динамо" бош мураббийи сифатидаги илк ўйинга айланади. Кўрамиз, Андрей Сергеевич дебютида қандай натижа кўрсатаркин?