
"Dinamo" navbatdagi transferni e’lon qildi (foto)
"Dinamo" jamoasi Superliga yangi mavsumi oldidan tarkibini kuchaytirishda davom etmoqda.
"Jamoamiz safida BAAdagi yig‘inda ishtirok etgan va hozirda Turkiyadagi o‘quv-mashg‘ulot yig‘inida qatnashayotgan Husniddin G‘ofurov klub bilan bir yillik shartnomani imzoladi.
29 yoshli hujumkor yarimhimoyachi o‘tgan mavsumni "Metallurg" safida o‘tkazib, Superligada 17 o‘yinda 4ta golga mualliflik qildi. Shuningdek, u faoliyati davomida Serbiya klublari, "Paxtakor", "Lokomotiv", OKMK, "Surxon", "Neftchi", "So‘g‘diyona" jamoalari sharafini ham himoya qilgan.
"Dinamo"ning ahil oilasiga xush kelibsiz, Husniddin", - deya xabar berdi samarqandliklar matbuot xizmati.
Fikrlar